టాలీవుడ్ సినిమా లవర్స్‌కు ఈ సారి సంక్రాంతి పండుగ రెట్టింపు ఉత్సాహాన్ని తీసుకురానుంది. అందుకు కారణం.. మెగాస్టార్ చిరంజీవి నటించిన ‘మన శంకర వరప్రసాద్ గారు’ బరిలోకి రావడమే. ఈ ఫ్యామిలీ డ్రామా సినిమాను సక్సెస్‌ఫుల్ దర్శకుడు అనిల్ రావిపూడి రూపొందిస్తున్నాడు. దాంతో ఈ సినిమాపై అంచనాలు ఆకాశాన్ని అంటాయి. ఇప్పటికే రిలీజైన టైటిల్ టీజర్, సాంగ్స్ ఇలా ప్రతీది సినిమాపై అంతకంతకూ అంచనాలు పెంచుకుంటూ వచ్చాయి.

ఈ సినిమా నుంచి ఇప్పటికే రిలీజైన ‘మీసాల పిల్ల’ ఎంతటి సెన్సేషన్ క్రియేట్ చేసిందో ప్రత్యేకంగా చెప్పనవసరం లేదు. మెగాస్టార్ ఎనర్జిటిక్ డ్యాన్స్, ఆయన స్టైల్ ఆ పాటకు ప్రధాన ఆకర్షణగా నిలిచాయి. ఆ పాట విడుదలైన కొద్ది క్షణాలకే సోషల్ మీడియాలో ట్రెండింగ్‌గా మారి రికార్డు వ్యూస్‌ను సొంతం చేసుకుంది. తాజాగా మేకర్స్ సెకండ్ సాంగ్‌ను రిలీజ్ చేసింది. ‘శశిరేఖ’ అంటూ సాగే ఈ మెలోడీయస్ సాంగ్ శ్రోతలను మంత్రముగ్ధులను చేస్తోంది. ఈ పాటలో మెగాస్టార్ తన మార్క్ రొమాన్స్‌ను పండించాడు. ఈ సాంగ్ మేకింగ్ అత్యంత రిచ్‌గా, కనువిందు చేసే లొకేషన్లలో జరిగింది. చిరంజీవి, హీరోయిన్ నయనతార మధ్య కెమిస్ట్రీ ఈ పాటలో హైలైట్‌గా నిలిచింది. ఇద్దరూ కలిసి తెరపై కనిపించిన ప్రతిసారీ, సీనియర్ జంట అద్భుతమైన స్క్రీన్ ప్రెజెన్స్ కనిపిస్తోంది.
ఇంకా చదవండి: ఆ పాత్రే తప్ప సావిత్రి గారు కనపడే వారు కాదు- భారత మాజీ ఉప రాష్ట్రపతి ముప్పవరపు వెంకయ్య నాయుడు
Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!
HOW DID YOU LIKE THIS ARTICLE? CHOOSE YOUR EMOTICON!