‘ప్రేక్షకుల్ని థియేటర్లకు రప్పించడం కష్టమైన ఈరోజుల్లో.. ’కుబేర’ లాంటి కథా బలమున్న ఎమోషనల్‌ సినిమాతో చిత్ర పరిశ్రమకు గొప్ప ధైర్యాన్ని, భరోసాని అందించారు దర్శకుడు శేఖర్‌ కమ్ముల‘ అని కథానాయకుడు చిరంజీవి  అన్నారు. ధనుష్‌, నాగార్జున, రష్మిక ప్రధాన పాత్రధారులుగా శేఖర్‌ కమ్ముల తెరకెక్కించిన చిత్రమే కుబేర. ఇటీవల విడుదలైన నేపథ్యంలో  హైదరాబాద్‌లో సక్సెస్‌విూట్‌ ఏర్పాటు చేశారు. దీనికి చిరంజీవి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ.. ‘ఈ చిత్రంలో నా మనసుకు హత్తుకున్న పాత్ర దేవానే. ఓ స్టార్‌ ఇమేజ్‌ ఉండి ఇలాంటి భిన్నమైన పాత్రలు చేయగల ఒకే ఒక్క నటుడు భారతీయ చిత్రసీమలో ధనుష్‌  మాత్రమే. శేఖర్‌ కేవలం తనని దృష్టిలో పెట్టుకునే ఈ కథ సిద్ధం చేసుకున్నాడేమో అనిపిస్తుంది. ఒకవేళ ఇలాంటి పాత్రను నన్ను చేయమన్నా నా వల్ల అయ్యేది కాదేమో. ఈ దేవా పాత్రను ధనుష్‌ అంత సహజంగా ఇంకెవ్వరూ చేయలేరు.

ఈ సినిమాతో ఆయన కచ్చితంగా మరో జాతీయ అవార్డు అందుకుంటారని నమ్ముతున్నా. శేఖర్‌ కమ్ముల ఈ 25ఏళ్లలో తాను అనుకున్న కథలు, పాత్రలతో పది లోపే చిత్రాలే చేశారు. కానీ, వాటినే ఒక్కో ఆణిముత్యంగా చేసుకుంటూ ప్రేక్షకుల మదిలో సుస్థిర స్థానాన్ని ఏర్పరచుకున్నారు. ఈ సినిమాతో నాగార్జునకు ఓ కొత్త దారి తెరుచుకున్నట్లయింది. తనకి ఇక నుంచి ఇలాంటి వైవిధ్యభరితమైన పాత్రలు మరిన్ని వస్తాయి. నేను కూడా తన పంథాలోనే సమంగా ముందుకొచ్చేస్తానని నమ్ముతున్నా. ఈ సినిమాతో రష్మిక నేషనల్‌ క్రష్‌ నుంచి ఇంటర్నేషనల్‌ క్రష్‌గా మారిపోయింది. నటుడు ధనుష్‌ మాట్లాడుతూ.. ‘ఇది నాకు ఆ మహాదేవుడు ఇచ్చిన సినిమా. యాక్షన్‌ చిత్రాలకు తప్ప ఇలాంటి సినిమాల కోసం ప్రేక్షకులు థియేటర్లకు రావట్లేదనే అపోహను ఈ కుబేరతో పటాపంచలు చేశారు దర్శకుడు శేఖర్‌ కమ్ముల అన్నారు.

ఇంకా చదవండి: సితారే జవిూన్‌ పర్‌.. ఓ మంచి సినిమా

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!