71వ జాతీయ చలన చిత్ర అవార్డుల ప్రదానోత్సవం న్యూ ఢిల్లీలోని విజ్ఞాన్‌ భవన్‌లో ఎంతో ప్రతిష్టాత్మకంగా జరిగింది. 2023 సంవత్సరానికి గాను ఉత్తమ చిత్రాలు, నటులు, సాంకేతిక నిపుణులను కేంద్ర ప్రభుత్వం గుర్తించి సత్కరించగా, రాష్ట్రపతి ద్రౌపదీ ముర్ము స్వయంగా విజేతలకు అవార్డులు మరియు ప్రశంసా పత్రాలను అందజేయడం ఈ వేడుకకు మరింత ప్రత్యేకతను తెచ్చింది.

తెలుగు ఇండస్ట్రీకి గర్వకారణం

తెలుగు సినిమాకి ఈ అవార్డులు నిజమైన గౌరవ క్షణాలుగా నిలిచాయి. నందమూరి బాలకృష్ణ ప్రధాన పాత్రలో అనిల్ రావిపూడి దర్శకత్వం వహించిన ‘భగవంత్ కేసరి’ చిత్రాన్ని ఉత్తమ తెలుగు చిత్రంగా ఎంపిక చేయగా, దర్శకుడు అనిల్ రావిపూడి, నిర్మాత సాహు గారపాటి ఈ అవార్డులు స్వీకరించడం గర్వకారణమైంది. ఈ విజయం బాలకృష్ణ అభిమానులకు మాత్రమే కాకుండా, మొత్తం తెలుగు సినీ ప్రపంచానికి ఒక ప్రత్యేక క్షణంగా మారింది.

అలాగే, తెలుగు పరిశ్రమలో విప్లవాత్మక విజువల్స్‌కి కొత్త దారి చూపిన ‘హనుమాన్’ సినిమా కూడా జాతీయ స్థాయిలో తన ప్రతిభను నిరూపించుకుంది. దర్శకుడు ప్రశాంత్ వర్మ, నిర్మాత నిరంజన్ రెడ్డి, వీఎఫ్ఎక్స్ సూపర్‌వైజర్ జెట్టి వెంకట్ కుమార్ అత్యుత్తమ యానిమేషన్ విజువల్ ఎఫెక్ట్స్ విభాగంలో అవార్డులు అందుకున్నారు. అంతేకాకుండా, అదే చిత్రానికి యాక్షన్ విభాగంలో స్టంట్ కొరియోగ్రాఫర్లు నందు మరియు పృధ్వి జాతీయ అవార్డులు అందుకోవడం తెలుగు యాక్షన్‌ మాస్టర్స్ ప్రతిభను జాతీయ స్థాయిలో గుర్తింపుచేసింది.

సంగీత విభాగంలో ప్రతిభకు గుర్తింపు

తెలుగులో పలు హిట్ ఆల్బమ్స్‌ చేసిన హర్షవర్ధన్ రామేశ్వర్, బాలీవుడ్ సెన్సేషన్ ‘యానిమల్’ చిత్రానికి రూపొందించిన నేపథ్య సంగీతంతో జాతీయ అవార్డును అందుకోవడం ఆయనకు ఒక మైలురాయిగా నిలిచింది.

అభిమానుల ఆనందానికి హద్దులు లేవు

ఈ విజయవార్తలు వెలువడిన వెంటనే సోషల్ మీడియాలో అభిమానులు, సినీ ప్రముఖులు అభినందనలతో ముంచెత్తారు.

ఇంకా చదవండి: జాతీయ అవార్డ్స్ గెలుచుకున్న "బేబి" టీమ్‌కి నటి కస్తూరి అభినందనలు

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!