'గుంటూరు కారం' సినిమా తర్వాత మహేష్‌ బాబు ప్రస్తుతం రాజమౌళి దర్శకత్వంలో సినిమా చేస్తున్నారు. ఇప్పటికీ ఈ సినిమా టైటిల్‌ ఫిక్స్‌ చేయలేదు. ప్రస్తుతానికి పలు షెడ్యూల్స్‌ పూర్తి చేసుకున్న ఈ సినిమాకి సమ్మర్‌ బ్రేక్‌ ఇచ్చారు. ఎప్పటిలాగే మహేష్‌ బాబు వెకేషన్‌కి వెళ్లిపోయాడు. ఆయన తిరిగి వచ్చిన తర్వాత మళ్లీ షెడ్యూల్‌ ప్రారంభం అయ్యే అవకాశం ఉంది. అయితే ఈ సినిమా షూటింగ్‌ ఎప్పుడు పూర్తవుతుంది, సినిమా ఎప్పుడు రిలీజ్‌ అవుతుంది అనే విషయం విూద ఎవరికీ క్లారిటీ  లేదు.

అయినప్పటికీ ఈ సినిమా పూర్తయిన తర్వాత మహేష్‌ బాబు ఎవరితో సినిమా చేయాలనే విషయం విూద ఆయన టీం ప్లానింగ్‌ రెడీ చేస్తోంది. నిజానికి ఈ సినిమా పూర్తి అయిన వెంటనే ఆయన ముగ్గురు దర్శకులను లైన్‌లో పెట్టారు. ముందుగా సందీప్‌ రెడ్డి డైరెక్షన్‌లో ఒక సినిమా చేసేందుకు ఆసక్తి కనబరుస్తున్నట్లు  చెబుతున్నారు. ఒకవేళ అప్పటికే సందీప్‌ రెడ్డి సిద్ధంగా లేకపోతే, నాగ్‌ అశ్విన్‌ దర్శకత్వంలో సినిమా సిద్ధం చేసే పనిలో ఉన్నారు. ఎందుకంటే  'కల్కి'  సినిమా తర్వాత ఆ సినిమా బాగా నచ్చడంతో మహేష్‌ బాబు స్వయంగా ఆయనతో సినిమా చేయడానికి ఆసక్తి చూపాడు. వైజయంతి మూవీస్‌తో అనుబంధం కారణంగా నాగ్‌ అశ్విన్‌ కూడా మహేష్‌ తో సినిమా చేయడానికి ఆసక్తి కనబరుస్తున్నారు. అయితే ఆ సమయానికి ఆయన కూడా అందుబాటులో లేకపోతే.. అప్పుడు బుచ్చిబాబు దర్శకత్వంలో  సినిమా చేసే అవకాశం ఉంది. ప్రస్తుతానికి బుచ్చిబాబు రామ్‌ చరణ్‌ హీరోగా ’పెద్ది’ అనే సినిమా చేస్తున్నాడు. అయితే మహేష్‌ కోసం తాను ఇప్పటికే స్కిప్ట్‌ సిద్ధం చేసుకుంటున్నానని గతంలో కూడా ఆయన వెల్లడించారు.  కాబట్టి రాజమౌళి సినిమా తర్వాత వెంటనే ఈ ముగ్గురిలో ఎవరో ఒకరితో ఒక సినిమా ప్లాన్‌ చేసే అవకాశం ఉంది.

ఇంకా చదవండి: త్రివిక్రమ్‌ దర్శకత్వంలో రామ్‌చరణ్‌

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!