బాలీవుడ్ లోకి 2016లో 'మున్నా మైకేల్' చిత్రంతో అరంగేట్రం చేసింది  అందాల తార నిధి అగర్వాల్.  తరువాత 2018 లో నాగచైతన్య తో 'సవ్యసాచి' సినిమాతో తెలుగులోకి ఎంట్రీ ఇచ్చింది. ఇక 2019లో రెండు చిత్రాల్లో నటించినప్పటికీ రామ్ పోతినేనితో నటించిన 'ఇస్మార్ట్ శంకర్' ఆమెకి మంచి బ్రేక్ ఇచ్చింది. ఆ ఫేమ్ తో ఆ తర్వాత చాలా సినిమాలే చేసినా హిట్లు రాలేదు. అయితే 'ఇస్మార్ట్ శంకర్' హిట్టు తరువాత ఆమె అందుకున్న మంచి అవకాశాల్లో పవన్ కళ్యాణ్ సరసన 'హరి హర వీరమల్లు' కూడా ఒకటి.

అయితే ఈ సినిమా పవన్ కళ్యాణ్ రాజకీయాల్లో బిజీగా ఉండటంతో పాటు అనేక ఇతర కారణాల వల్ల చాలా సంవత్సరాలు షూటింగ్ జరుపుకుని ఎట్టకేలకు 2025 జులైలో విడుదలయింది. ఎన్నో భారీ అంచనాలతో థియేటర్లలోకి అడుగుపెట్టిన  ఈ సినిమా కూడా పరాజయం పాలయ్యింది. ఇప్పటికీ ఈమెకు ఇస్మార్ట్ బామ గానే నిధికి గుర్తింపు మిగిలిపోయింది.  ప్రస్తుతం ఈమె చేతిలో ఉన్న ఒకే ఒక్క సినిమా పాన్ ఇండియా సూపర్ స్టార్ ప్రభాస్ తో చేస్తున్న 'ది రాజా సాబ్'. సంక్రాంతి కానుకగా  జనవరి 9న ఈ చిత్రం రిలీజ్ కాబోతుంది. ప్రస్తుతానికి నిధి ఆశలన్నీ ఈ సినిమా మీదే ఉన్నాయి. భారీ అంచనాలతో విడుదల కాబోతున్న ఈ చిత్రం అయినా నిధికి ఒక సాలిడ్ హిట్ అందిస్తుందని ఆమెతో పాటు ఆమె ఫ్యాన్స్ ఆశలు పెట్టుకున్నారు.

ఇంకా చదవండి: య‌ష్ ‘టాక్సిక్‌' నుంచి కియారా ఫ‌స్ట్ లుక్

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!