సుడిగాలి సుధీర్ గా అందరికీ సుపరిచితుడైన సుధీర్ ఆనంద్ బుల్లితెర, వెండి తెర రెండింటిలోనూ తనదైన ముద్ర వేస్తున్నారు. అతని కొత్త చిత్రం  అఫీషియల్ గా అనౌన్స్ చేశారు. ప్రసన్న కుమార్ కోట దర్శకత్వం వహిస్తున్న ఈ చిత్రంను వజ్ర వారాహి సినిమాస్ బ్యానర్‌పై శివ చెర్రీ, రవికిరణ్ నిర్మిస్తున్నారు. ఇది వారి బ్యానర్‌కు ప్రొడక్షన్ నంబర్ 1, సుధీర్ ఆనంద్‌కు హీరోగా ఐదవ చిత్రం. గ్రామీణ నేపథ్యంతో రూపొందుతున్న ఈ చిత్రంలో కోర్ట్ సినిమాలో తన ఇంటెన్స్ నటనతో ఆకట్టుకున్న శివాజీ విలన్‌గా కనిపించబోతున్నారు.

ఈ చిత్రానికి హైలెస్సో అనే ఆకట్టుకునే టైటిల్ పెట్టారు. ఇది పల్లె వాతావరణంలో తరచూ వినిపించే మాట నుంచి తీసుకోవడం విశేషం. టైటిల్ లోగోను ఓడ ఆకారంలో డిజైన్ చేసి ‘S’ అక్షరాన్ని మహిళా కాలు ఆకారంలో చూపించారు. చేతిలో ఆయుధం పట్టిన ఓ మిస్టీరియస్ ఫిగర్ ఆకట్టుకుంది.

టైటిల్ పోస్టర్‌కు మైథలాజికల్, రూరల్ టచ్ ఇచ్చారు. బంగారు పాదసరాలు, మేత్తెలతో అలంకరించిన కాలు, పెద్ద పచ్చ ఆకు మీద అడుగు వేస్తూ కనిపిస్తుంది. ఆ ఆకుపై వేపుడు కోడి, మేక తలలు, అన్నం, పూలు, సింధూరంతో కూడిన బ్యాక్ డ్రాప్ ఉంటుంది. దాని పక్కన రక్తం తడిసిన ఖడ్గం ఉండటం, దేవతా శక్తి, త్యాగం, ఘర్షణలకు సంకేతంగా నిలుస్తుంది. ఈ పోస్టర్‌నే చూసి కథ ఎంత ఇంటెన్స్‌గా ఉండబోతోందో అర్థమవుతుంది.

ఈ చిత్రం లాంచ్ వేడుక ఘనంగా జరిగింది. హీరో నిఖిల్ టైటిల్‌ను లాంచ్ చేశారు. బన్నీ వాసు స్క్రిప్ట్‌ను అందజేశారు. దర్శకులు వశిష్ట, చందూ మొండేటి, మెహర్ రమేశ్ కెమెరాను ఆన్ చేయగా, ముహూర్తపు షాట్‌కు వి.వి. వినాయక్ క్లాప్ కొట్టారు. దర్శకుడు ప్రసన్న కుమార్ స్వయంగా యాక్షన్ చెప్పారు.

ఈ సినిమాలో నటాషా సింగ్, నక్ష శరణ్ హీరోయిన్లుగా నటించగా, ప్రముఖ కన్నడ నటి అక్షర గౌడ కీలక పాత్రలో కనిపించనున్నారు. మొట్ట రాజేంద్రన్, గెటప్ శ్రీను, బెవర దుహిత శరణ్య ముఖ్యమైన పాత్రలు పోషిస్తున్నారు.

యంగ్ అండ్ టాలెంటెడ్ టెక్నికల్ టీమ్ పనిచేస్తోంది. అనుదీప్ దేవ్ సంగీతం అందించగా, సుజాత సిద్ధార్థ్ సినిమాటోగ్రఫీ నిర్వహిస్తున్నారు. ఎడిటర్‌గా చోటా కె ప్రసాద్,  ప్రొడక్షన్ డిజైనర్‌ బ్రహ్మ కడలి,   చింతా శ్రీనివాస్ రైటర్.  

హై లెస్సో తెలుగు, తమిళం, కన్నడ, మలయాళం భాషల్లో థియేటర్లలో విడుదల కానుంది.

మూవీ లాంచింగ్ సందర్భంగా సుధీర్ ఆనంద్ మాట్లాడుతూ.. మీడియా అందరికీ థాంక్యూ సో మచ్. వచ్చిన ముఖ్య అతిథులందరికీ థాంక్యూ సో మచ్. కుటుంబ సభ్యులు లాగా వచ్చి అందరూ విషెస్ అందించినందుకు థాంక్యూ సో మచ్. మోషన్ పోస్టర్, టైటిల్ లాంచ్ చేసిన నిఖిల్ గారికి థాంక్యూ సో మచ్'అన్నారు

తారాగణం: సుధీర్ ఆనంద్, శివాజీ, నటాషా సింగ్, నక్ష శరణ్, అక్షర గౌడ, మొట్ట రాజేంద్రన్, గెటప్ శ్రీను, బెవర దుహిత శరణ్య

సాంకేతిక సిబ్బంది:

బ్యానర్: వజ్ర వారాహి సినిమాస్

నిర్మాతలు: శివ చెర్రీ - రవికిరణ్

దర్శకత్వం: ప్రసన్న కుమార్ కోట

సంగీతం: అనుదీప్ దేవ్

డీఓపీ : సుజాత సిద్దార్థ్

ఎడిటర్: ఛోటా కె ప్రసాద్

ప్రొడక్షన్ డిజైనర్: బ్రహ్మ కడలి

సాహిత్యం: రామజోగయ్య శాస్త్రి

రచయిత: చింతా శ్రీనివాస్

కాస్ట్యూమ్ డిజైనర్: రంజిత గువ్వల

కొరియోగ్రాఫర్: విజయ్ పోలాకి

స్టంట్స్: పృధ్వీ

లైన్ ప్రొడ్యూసర్: ఉదయ్ నందిపాటి

మార్కెటింగ్: మనోజ్ వల్లూరి (హాష్‌ట్యాగ్ మీడియా)

పబ్లిసిటీ డిజైనర్: ధని ఏలే

పీఆర్వో: వంశీ-శేఖర్
ఇంకా చదవండి: 'థామా' తప్పకుండా ఆడియన్స్ ని అలరిస్తుంది: హీరో ఆయుష్మాన్‌ ఖురానా
Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!
HOW DID YOU LIKE THIS ARTICLE? CHOOSE YOUR EMOTICON!