డాక్టర్ శివ రాజ్ కుమార్, ధనంజయ ముఖ్య పాత్రలుగా హేమంత్ ఎం.రావు దర్శకత్వంలో వస్తోన్న సినిమా '666 ఆపరేషన్ డ్రీమ్ థియేటర్'. ఈ చిత్ర యూనిట్ ప్రియాంక మోహన్‌ను ఆన్-బోర్డింగ్ చేస్తున్నట్లు ప్రకటించారు. ఆమె ఇప్పుడు లెజెండరీ సూపర్ స్టార్ డాక్టర్ శివ రాజ్ కుమార్, బహుముఖ ప్రజ్ఞాశాలి ధనంజయ నేతృత్వంలోని '666 ఆపరేషన్ డ్రీమ్ థియేటర్' నక్షత్ర తారాగణంలో చేరింది.  ప్రియాంక మోహన్ తమిళం, తెలుగు మరియు కన్నడ సినిమాల్లో తనకంటూ ఒక ప్రత్యేక స్థానాన్ని ఏర్పరచుకుంది. ఆమె సూపర్ స్టార్ పవన్ కళ్యాణ్, నాని, ధనుష్, శివ కార్తికేయన్‌లతో కలిసి నటించిన సంగతి తెలిసిందే. ఓజి, సరిపోద శనివారం, కెప్టెన్ మిల్లర్, డాక్టర్ తదితర అనేక బ్లాక్‌బస్టర్ చిత్రాలలో ప్రశంసలు పొందిన పాత్రలతో మెప్పించిన ప్రియాంక ఇప్పుడు హేమంత్ ఎం. రావు దర్శకత్వం వహిస్తున్న బాండ్-ఎస్క్యూ స్పై డ్రామాలో చేరింది. 

ఈ సందర్బంగా  ప్రియాంక మాట్లాడుతూ .. 80ల నేపథ్యంలో  నేను డాక్టర్ శివ రాజ్ కుమార్ సార్ సినిమాలు చూస్తూ పెరిగాను.  '666 ఆపరేషన్ డ్రీమ్ థియేటర్'లో భాగం కావడంతో  నా కల నిజమైంది. అద్భుతమైన ప్రతిభావంతులైన ధనంజయతో కలిసి పనిచేయడం.. అలాంటి సమిష్టి తారాగణంలో భాగం కావడం మరపురాని అనుభూతి అని చెప్పుకొచ్చింది. అలాగే హేమంత్ ఎం.రావుతో కలిసి పనిచేయడం నాకు అనుభవాన్ని నేర్పిస్తుంది.  ఇంత త్వరగా  నాకు  ఈ అదృష్టం వరిస్తుందని అనుకోలేదు అని ఇటీవలే తన పుట్టినరోజు జరుపుకున్న ప్రియాంక మోహన్ అన్నారు.  రాబోయే రోజుల్లో ప్రియాంక మోహన్ లుక్‌ను విడుదల చేయడానికి బృందం సిద్ధంగా ఉంది. ఈ చిత్రం మూడవ షెడ్యూల్ డిసెంబర్ మొదటి వారంలో ప్రారంభం కానుంది.  '666 ఆపరేషన్ డ్రీమ్ థియేటర్' ఇప్పటికే రెండు షెడ్యూల్‌ల షూటింగ్‌ను పూర్తి చేసింది.  ధనంజయ - డాక్టర్ శివ రాజ్‌కుమార్ ఇద్దరి ఫస్ట్ లుక్‌లు  సినిమాపై  అంచనాలను పెంచాయి.   భారీ బడ్జెట్‌తో రూపొందుతోన్న ఈ చిత్రం  తెలుగు, కన్నడ భాషలలో ఒకేసారి విడుదల కానుంది.

ఇంకా చదవండి: ‘ప్రేమంటే’ – ఎమోషన్‌కి ఎంటర్‌టైన్‌మెంట్ కలయిక! ప్రేక్షకులు ఖచ్చితంగా కనెక్ట్ అవుతారు అంటున్న ప్రియదర్శి

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!