(చిత్రం: టిల్లు స్క్వేర్, 

దర్శకత్వం: మల్లిక్ రామ్, 

విడుదల తేదీ :  29, మార్చి- 2024,

రేటింగ్ : 3/5,

నటీనటులు: సిద్ధూ జొన్నలగడ్డ, అనుపమ పరమేశ్వరన్, మురళీ శర్మ, ప్రిన్స్, బ్రహ్మాజీ, మురళీధర్ గౌడ్ తదితరులు.

దర్శకత్వం: మల్లిక్ రామ్,

నిర్మాతలు: సూర్యదేవర నాగవంశీ & సాయి సౌజన్య,

సినిమాటోగ్రాఫర్‌: సాయి ప్రకాష్ ఉమ్మడిసింగు,

సంగీత దర్శకులు: రామ్ మిరియాల, అచ్చు రాజమణి, భీమ్స్ సిసిరోలియో,

ఎడిటింగ్: నవీన్ నూలి)

టాలీవుడ్ యువతరం క్రేజీ స్టార్ బాయ్ సిద్ధూ జొన్నలగడ్డ హీరోగా నటించిన గత  చిత్రం “డీజే టిల్లు”  ఎంతటి ఘన విజయాన్ని సాధించిందో తెలిసిందే. ఈ చిత్రానికి  సీక్వెల్ లా వచ్చిన  చిత్రమే “టిల్లు స్క్వేర్”.  దర్శకుడు మల్లిక్ రామ్ తెరకెక్కించిన ఈ చిత్రంలో అనుపమ పరమేశ్వరన్ కథానాయికగా  నటించింది.  మరి ఎన్నో అంచనాల మధ్య వచ్చిన  ఈ సినిమా అంచనాలు అందుకుందో లేదో  తెలుసుకుందాం... 

కథ :  అనగనగా టిల్లు (సిద్ధు జొన్నలగడ్డ) పాత దెబ్బ నుంచి కోలుకుని తన ఫ్యామిలీ అండ్ ఫ్రెండ్స్ తో కలిసి టిల్లు ఈవెంట్స్ స్టార్ట్ చేసి ఎంతో సరదాగా వెడ్డింగ్ ప్లానింగ్ లు తన డీజే ఈవెంట్స్ చేస్తుంటాడు. అలా ఓ రోజు తన లైఫ్ లోకి లిల్లీ జోసెఫ్ (అనుపమ పరమేశ్వరన్) ఎంటర్ అవుతుంది. మరి అక్కడ నుంచి మళ్లీ టిల్లు గేర్ మారుస్తాడు. ఆ తర్వాత మళ్లీ తన బర్త్ డే స్పెషల్ గా ఫ్రెష్ ప్రాబ్లమ్ తో లిల్లీ తనని సాయం కోరుతుంది. మరి ఆల్రెడీ రాధిక వల్ల దెబ్బ తిన్న తాను ఏం చేస్తాడు? వీళ్ళ కథలోకి పేరు మోసిన మాఫియా డాన్ మెహబూబ్ అలీ(మురళీ శర్మ)కి లింక్ ఏంటి? మళ్లీ రాధిక (నేహా శెట్టి) ఉందా లేదా అసలు చివరికి ఈ క్రేజీ రైడ్ ఎలా ముగింపు పలికింది అనేది తెలియాలంటే  ఈ చిత్రాన్ని వెండితెరపై చూడాల్సిందే మరి.. 

విశ్లేషణ: స్టార్ బాయ్ సిద్ధూ జొన్నలగడ్డ మరోసారి డీజే టిల్లు గా షైన్ అయ్యాడు.  ఇదివరకే వచ్చిన గత  సినిమా మంచి విజయాన్ని అందుకోవడంతో ఈ సినిమాపై  మంచి అంచనాలు ఏర్పడ్డాయి.  వినోదం పరంగా  'టిల్లు స్క్వేర్' వాటిని అందుకుంటుంది. సినిమా టైటిల్ కార్డ్స్ నుంచే మళ్లీ టిల్లు వైబ్స్ ని గుర్తు చేస్తూ సాలిడ్ ఎంటర్టైన్మెంట్ తో సినిమా ఆద్యంతం హుషారేకెత్తించేలా సాగుతుంది.  డీజే టిల్లు కి సీక్వెల్ గా వచ్చిన ఈ క్రేజీ రైడ్ “టిల్లు స్క్వేర్” ఎంటర్టైన్మెంట్ ఇవ్వడంలో మాత్రం డిజప్పాయింట్ చెయ్యదు. సిద్ధూ, అనుపమ లు మెయిన్ లీడ్ లో అదరగొట్టేశారు. మంచి కామెడీ డీసెంట్ నరేషన్ సినిమాలో ఆడియెన్స్ ని ఎంగేజ్ చేస్తాయి. కాకపోతే కొన్ని సీన్స్ రొటీన్ గానే ఉన్నాయి ఇవి పక్కన పెడితే మరోసారి టిల్లు గాడు మంచి క్రేజీ రైడ్ తో కూడిన ఎంటర్టైన్మెంట్ ని థియేటర్స్ లో అందిస్తాడు. అయితే.. ఈ చిత్రంలో  మంచి ఎంటర్టైన్మెంట్ ఉంది కానీ..  కాన్సెప్ట్ మాత్రం రొటీన్ గానే ఉందని చెప్పాలి. గత పార్ట్ 1 లానే ఇది కూడా రొటీన్ లైన్ తోనే కొనసాగుతుంది. అలాగే కొన్ని సీన్స్ ఊహాజనీతం గానే అనిపిస్తాయి. ఇంకా కొన్ని కీలక ట్విస్ట్ లు మరీ అంత ఎగ్జైట్ చెయ్యవు.  సిద్ధూ జొన్నలగడ్డ మరోసారి  తన మార్క్ టైమింగ్ కామెడీతో సీన్స్ ని హిలేరియోస్ గా పండించాడు,.  కొన్ని సన్నివేశాల్లో  మంచి హ్యాండ్సమ్ లుక్స్ తో బాగా  ఎంటర్టైన్ చేశాడు.  రాధికకి అప్డేటెడ్ వెర్షన్ లేక తనకి అక్క అంటూ సినిమాలో చూపించిన రేంజ్ లోనే అనుపమ సాలిడ్ రోల్ చేసింది. తన గ్లామ్ షో ఒకెత్తు అయితే తన పెర్ఫామెన్స్ కూడా సినిమాలో అదరగొడుతుంది. అలాగే ఇద్దరి మధ్య కెమిస్ట్రీ కానీ పలు కామెడీ సీన్స్ తో యూత్ కి ఈ సినిమాలో మంచి ఎంటర్టైన్మెంట్ కోరుకునేవారికి ట్రీట్ ఇస్తారు. వీటితో పాటుగా సెకండాఫ్ లో ఓ సర్ప్రైజ్ కూడా మామూలుగా ఉండదు.  సినిమా క్లైమాక్స్ పోర్షన్ కూడా ఒకింత రొటీన్ గానే అనిపిస్తుంది.   స్టోరీ పరంగా కొన్ని అంశాలు రొటీన్ గానే ఉన్నాయి కానీ కావాల్సిన ఎంటర్టైన్మెంట్ మాత్రం తాను పుష్కలంగా అందించాడు.  ఇవి పక్కన పెడితే ఒక టైం లో అనుపమ రోల్ పై ట్విస్ట్ అందరికీ రుచించకపోవచ్చు. అలాగే సెకండాఫ్ లో మురళీ శర్మ పై కొన్ని ఎపిసోడ్స్ లో లాజిక్స్ సహా కొన్ని అంశాలు వీక్ గా అనిపిస్తాయి. ఇంకా మెయిన్ లీడ్ సహా మురళీ శర్మ తన రోల్ కి న్యాయం చేకూర్చారు ఇంకా నటుడు మురళీధర్ గౌడ్ నటన ఆయన కామెడీ టైమింగ్ ఆకట్టుకుంటాయి. ఇక వీరితో పాటుగా మిగతా తారాగణం అంతా తమ పాత్రలకు పూర్తి న్యాయం చేసారు. 

టెక్నీకల్ గా చూస్తే...  టెక్నికల్ టీం లో రామ్ మిర్యాల, అచ్చు సాంగ్స్ భీమ్స్ నేపథ్య గీతంలు బాగా ప్లస్ అయ్యాయి. అలాగే సాయి ప్రకాష్ సినిమాటోగ్రఫీ మంచి కలర్ ఫుల్ గా బ్యూటిఫుల్ విజువల్స్ తో ఆకట్టుకునేలా ఉంది. నవీన్ నూలి ఎడిటింగ్ కూడా బాగుంది. ఈ చిత్రం  నిర్మాణ విలువలు బాగున్నాయి. మేకర్స్ అయితే ఎక్కడా కాంప్రమైజ్ అయినట్టు అనిపించదు. అలాగే  దర్శకుడు మల్లిక్ రామ్  ఈ సినిమాకి ఇంప్రెసివ్ వర్క్ అందించాడు. తనతో పాటుగా సిద్ధూ కూడా ఈ చిత్రానికి రచనలో తన పనితనం చూపించాడు. నరేషన్ ని మల్లిక్ అయితే ఎక్కడా బోర్ కొట్టకుండా తీసుకెళ్లడం బాగుంది. మొత్తం మీద ఈ  'టిల్లు స్క్వేర్' మూవీ  వినోదం పంచిన  సీక్వెల్ అని చెప్పొచ్చు.

ఇంకా చదవండి: 'ఓం భీమ్‌ బుష్‌’ సినిమా రివ్యూ : కాసేపు నవ్వుకోవచ్చు!