దేత్తడి హారిక.. ఈ చిన్నదాని గురించి ప్రత్యేకంగా పరిచయం చేయాల్సిన అవసరం లేదు. యూట్యూబ్‌ స్టార్‌ గా తెలుగు రాష్ట్రాల్లో మంచి క్రేజ్‌ సొంతం చేసుకుంది ఈ ముద్దుగుమ్మ. తెలంగాణ యాసలో మాట్లాడుతూ.. యూట్యూబ్‌ లో అందరికీ ఇచ్చిపడేసే వీడియోలతో నెట్టింట బాగా పాపులర్‌ దేత్తడి హారిక. సోషల్‌ మీడియా ద్వారా వచ్చిన క్రేజ్‌ తో ఈ చిన్నది బిగ్‌ బాస్‌ గేమ్‌ షోలో అవకాశం అందుకుంది. నాగార్జున హోస్ట్‌ గా చేసిన బిగ్‌ బాస్‌ సీజన్‌ 4లో కంటెస్టెంట్‌ గా పాల్గొంది. హౌజ్‌లో తనదైన అల్లరి పనులతో టాప్‌ 5లో నిలిచి అందరి దృష్టిని ఆకర్షించింది. తాజాగా తన ఇంస్టాగ్రామ్‌ అకౌంటులో కొన్ని ఫొటోస్‌ షేర్‌ చేసింది ఈ భామ. 9 సెప్టెంబర్‌ 1997న తెలంగాణ రాష్ట్ర రాజధాని హైదరాబాద్‌ లో ఓ హిందూ కుటుంబంలో జన్మించింది అందాల తార అలేఖ్య హారిక. ఈ బ్యూటీకి వంశీ కార్తీక్‌ అనే ఒక సోదరుడు కూడా ఉన్నాడు. సోషల్‌ మీడియాలో ఈ చిన్నదాన్ని ఫాలో అయ్యేవారి సంఖ్య ఎక్కువే..  హైదరాబాద్‌ లోని ఓ పాఠశాలలో స్కూలింగ్‌ విద్య పూర్తిచేసింది.

మెహదీపట్నంలో ఉన్నసెయింట్‌ ఆన్స్‌ కళాశాల నుంచి బ్యాచలర్‌ అఫ్‌ బిజినెస్‌ అడ్మినిస్ట్రేషన్‌ నుంచి డిగ్రీ పట్టా పొందింది ఈ వయ్యారి భామ. అలేఖ్యకు చిన్నప్పటి నుంచి డ్యాన్స్‌పై మక్కువ ఎక్కువ. చిన్నప్పటి నుంచి కొరియోగ్రాఫర్‌ కావాలని కోరిక. 2015లో ఆమె హైదరాబాద్‌లోని అమెజాన్‌ డెవలప్‌మెంట్‌ సెంటర్‌లో ఎగ్జిక్యూటివ్‌గా చేరారు. అలేఖ్య దాదాపు మూడు సంవత్సరాలు అక్కడ పని చేసింది. ఆతర్వాత సోషల్‌ మీడియాలో పాపులర్‌ అయ్యింది. కొన్ని సినిమాల్లోనూ నటించింది. అలాగే ప్రైవేట్‌ ఆల్బమ్స్‌ లోనూ నటించింది దేత్తడి హారిక.
ఇంకా చదవండి:రెండో సినిమా పాన్‌ ఇండియా హీరోతో.. దూసుకెళ్తున్న ప్రీతి ముకుందన్‌!